|
GESKIEDENIS
Die PJ Olivier Kunssentrum is in 1953 gestig en is vernoem
na 'n voormalige administrateur van die ou Kaapprovinsie.
Die eerste tuiste van die Kunssentrum was in Fernbank Villa
in Van Riebeeckstraat, waar ons met slegs 'n handjievol leerders
begin het. In 1967 verskuif die Kunssentrum na sy huidige
tuiste in Blomstraat op die Braak.
Die gebou waarin die Kunssentrum gevestig is, is as 'n nasionale
monument verklaar en word beskou as een van die historiese
skoonhede van Stellenbosch. Dit is in 1905 gebou, en die statige
argitektuur en omliggende tuine van die Kunssentrum bied 'n
vreedsame atmosfeer wat die verbeelding stimuleer en verseker
dat die kreatiewe aktiwiteite van jonk en oud blom.
|
|
