|
VISUELE
KUNS - BEELDHOUKUNS
Beeldhoukuns kan omskryf word as 'n driedimensionele kunswerk
wat geskep word deur die vorming of kombinering van materiaal
soos harde plastiek, hout, sement en klei. Dit verskil inderwaarheid
nie veel van tekenwerk nie, waar 'n analitiese kennis van
ruimtelike aspekte verkry word deur analise op 'n tweedimensionele
vlak. Tekenkuns vorm dus 'n belangrike deel van beeldhou-analise.
Leerders word aangemoedig om te teken en te skets en om hierdie
werke te bewaar om as inspirasie en inligting vir toekomstige
beeldhoukuns te gebruik.
Graad 10: Leerders word aan 'n verskeidenheid media bekend
gestel. Die kursus fokus voorts op die verwerwing van die
nodige tegniese vaardighede en op die verkenning van driedimensionele
ruimte.
Graad 11: Daar word van leerders verwag om inhoud en tegniek
te begin integreer. Die fokus is op langer, grondiger projekte.
Graad 12: Daar word van leerders verwag om 'n persoonlike
interpretasie van projekte ten toon te stel. Onafhanklike
denke word aangemoedig.
|
