|
|
ONTWERP
- KERAMIEKONTWERP
Keramiekontwerp fokus op die kuns of tegniek waarmee keramiekvoorwerpe
gemaak word, veral van vuurklei. Tegnologiese vooruitgang deur
die eeue het bykans geen invloed op keramiek gehad nie. Die
handbou-tegnieke wat vandag gebruik word, is waarskynlik nie
baie anders as dié wat duisende jare gelede gebruik is nie.
Die basiese vaardighede wat 'n pottebakker nodig het om 'n keramiekproduk
suksesvol met die hand te bou, verskil ook nouliks van die vaardighede
wat lank gelede gebruik is.
In teenstelling met pottebakkers wat op die wiel werk en vir
jare moet oefen om die tegnieke te bemeester, kan handbouers
baie vinniger vaardig word met 'n bietjie oefening en 'n paar
eenvoudige instrumente. Hierdie kursus is dus meer geskik vir
leerders wat slegs 'n beperkte tyd by die Kunssentrum spandeer.
Graad 10: Leerders word bekend gestel aan die basiese tegnieke,
soos kleiwerk, handbou, toepassing van kleur en glasuring. Die
kursus dek ook die teoretiese grondslag.
Graad 11: Daar word van leerders verwag om bykans onafhanklik
te werk met 'n hoë vlak tegniese vaardigheid en bekwaamheid.
Graad 12: Leerders verfyn hul vaardighede en moet die keramiekmateriaal,
-tegnieke en -prosesse bemeester om werk te skep wat verteenwoordigend
is van meesterlike kunstenaarstalent. Hulle ontwikkel oorspronklikheid
en bewustheid van die moontlikhede wat hierdie medium bied.
|
 |
|
|
